Општи правила и услови за учество

1. Право на учество

Право на учество на трките 5K и 10K имаат сите државјани на Република Македонија и странски државјани, под следниве услови:

• 5K - дозволена за сите возрасти
• 10K - дозволена за тркачи над 14 години

За двете трки, за малолетни лица одговорноста ја сноси родител или старател и се препорачува нивно присуство на настанот.

Тимови можат да се пријават доколку бројат минимум 4 учесници (машки, женски или мешани), а за тимски резултати ќе се земаат времињата на најдобрите 4.

2. Лична одговорност

Секој учесник стартува на сопствена одговорност и сам ја проценува својата здравствена и психофизичка состојба.

Забрането е користење велосипеди, ролери, скејтборди и други средства за движење.

Учесниците мора да ги следат упатствата на организаторите, волонтерите и техничкиот тим.

Организаторот не одговара за изгубени, оштетени или украдени лични предмети.

3. Фотографии, видео и лични податоци

Со регистрацијата учесникот се согласува дека:

• Организаторот има право да ги користи фотографиите и видеата направени на настанот во кои учесникот е прикажан, исклучиво за промотивни цели.
• За ова не следува финансиски надомест.
• Личните податоци се обработуваат единствено за потребите на настанот Prespa Run & Fun.

4. Стартни броеви и регистрација

• Не е дозволена промена или пренос на стартниот број на друго лице.
• Учество без официјална регистрација не е дозволено.
• Пријавата важи само по евидентирана уплата на котизацијата.
• Организаторот го задржува правото да ја измени содржината на стартниот пакет.

5. Рок за пријавување

Краен рок за регистрација за двете трки (5K и 10K) е:

10 јуни 2026, 23:59

По овој датум регистрацијата се затвора за сите.

6. Корекции и измени

За било каква измена на пријавата по 10 јуни 2026, 23:59, се доплаќа 300 денари.

Измените се вршат по евидентирана уплата.

7. Онлајн пријавување и уплати

Регистрацијата и уплатата се вршат преку официјалниот веб-сајт.

По успешна уплата, учесникот добива е-пошта со потврда и стартен број.

Организаторот може да понуди ограничен број „задоцнети пријави“ со различна цена, само доколку има преостанати стартни броеви. Во тој случај учесникот добива само стартен број со чип, без маица и други додатоци.

8. Тимско учество – правила

• Тимот мора да има минимум 4 члена за да се појави на ранг-листа.
• Тимот може да биде машки, женски или мешан.
• За пласман се земаат времињата на најдобрите 4 членови.
• Учесник не смее да биде дел од повеќе од еден тим (следува дисквалификација).

9. Откажување и непредвидени околности

Организаторот не враќа средства за уплатена котизација.

Во случај на откажување на настанот поради природни непогоди, екстремни временски услови, безбедносни ризици или други причини надвор од контрола на организаторот, учесниците ќе можат да ја префрлат нивната пријава за следното издание или за следниот презакажан датум.

Учесник може сам да се откаже од учество без задолжително известување, но уплатениот износ не се враќа.

10. Спортско и фер однесување

Сите учесници се должни да се однесуваат во духот на фер-плеј и спортско однесување.

Секое агресивно, опасно или навредливо однесување може да резултира со суспензија или дисквалификација.

11. Завршни одредби

Со регистрацијата учесникот потврдува дека ги прифатил сите правила и услови наведени во овој документ.

Организаторот го задржува правото да прави измени доколку е потребно за безбедноста и успешната реализација на настанот.